O que é NdP?

Nomes do País é um projeto em andamento, que começou como um espaço para tratar a toponímia galega, para estudá-la e eventualmente contribuir para a tirar do barbarismo em que foi instalada depois de anos de uma ditadura que rendia culto à morte e de outros tantos anos de democráticas políticas culturicidas. É, portanto, um produto sem terminar, que continua a desenvolver-se, e que necessita de quem o ler.

Nom demoramos a entender que a toponímia, como criaçom cultural, dificilmente pode ser separada da antropologia, da história, do estudo do território e da sua humanizaçom. E por isso decidimos abrir o escopo, ampliar o horizonte. Tampouco serve de nada cingirmo-nos ao estrito marco administrativo que outros prepararam para nós.

A Galiza tem umha história longa e larga, e para a entendermos, convém sair desses marcos. Hai que ir à procura do que sobrevive nas margens escuras, insistir no que nos é ocultado por umha história que nom escrevemos nós e colocármonos no centro do nosso próprio campo de visom.